الصحافه " تلطم " .. والكلاب تسير

من وجهة نظرى ؛ لا زال الفرق ضبابيا فى مصر بين

الكاتب ... والباشكاتب

-----------------

الصحافه " تلطم " .. والكلاب تمر

--------------------

عن احتجاب الصحف .. " أشخبط "هنا بالصوت والصورة

اشتريت جرايد النهارده .. للذكرى والتاريخ والنوم على كوكب المريخ

؛؛؛؛؛؛؛؛؛؛؛؛؛؛

بالصدفه البحته... تصادف وجودى بالنقابه يوم الثلاثاء

الثانى من اكتوبر 2007

وبعد نزولى من الدور الثامن لفت انتباهى جلوس

مصطفى بكرى رئيس تحرير الاسبوع

وفريده النقاش رئيس تحرير الاهالى

ومحمد الشبه رئيس تحرير نهضة مصر

وعمرو الليثى رئيس تحرير الخميس

وصلاح قبضايا رئيس تحرير الاحرار

الخ الخ

!!!!!!!!!!!!!!!!!!!!!

قفزت الى زهنى علامات التعجب كالعاده

وفى ذيلها بعض من علامات الاستفهام .. ميضرش

دفعنى فضولى للاقتراب محاولا استنتاج شىء

عرفت ان الشامى قعد مع المغربى مضطرا

لاستكمال الجدال حول قضية احتجاب الصحف احتجاجا على القضيه الاخيرة

جدل عقيم

ونصب بالكلمات

وضرب تحت الحزام

وتلميحات خايبه

واتهامات صريحه

وعنتريات فارغه

واشتغالات ساذجه

بالاضافه الى بعض التوابل من النوايا الصادقه

علشان الاكله تحلو

!!!!!!!!!!!!!!!

!!!!

بدون الدخول فى تفاصيل

سجلت ماحدث للزمن

تستطيعون ان تشاركوننى بعض انطباعاتى

عن الساده رؤساء التحرير المحترمين

وغيرهم من المحترمين بشرطه

طبعا دول محترمين بزياده شويه

!!!!!!

رغم انه حضر متاخرا بعض الشىء

الا انه تكلم بصوت العقل

مجدى الجلاد رئيس تحرير المصرى اليوم قال انه ينتظر ان تاتى دعوة الاحتجاب

من مجلس النقابه

لو ركزتم فى الفيديو المرفق ستشعرون بمبررات الجلاد

حتى وان كانت تشوبها بعض الحسابات

@@@@@@@@@@@@@@@@@@

ع الهامش

.......

واخدين بالكم ايه شغال فى التليفزيون على خلفية الاجتماع؟؟؟

روتانا سينما

هاله صدقى بترقص على مسرح فى فرح شعبى

فيلم الهروب

اكيد فاكرينه !! بتاع احمد ذكى

بس خلاص

!!!!!!!!!!

مجرد هامش ؛ لا يحتمل أى تأويل ؛ وبما يحتمل ألف تأويل

!!!!!

فقط ربما

@@@@@@@@@@@

مصطفى بكرى

لم يسلم _ كالعاده _ من اتهامه

بسعيه لضرب وحدة الصحفيين

ده على اساس انهم اسم الله متحدين يعنى

!!!!!!!!!!!!!!!!!!!!

نور الهدى زكى احترمها واحبها

منذ ان كنت اقرا لها فى جريدة العربى الناصرى

ايام دراستى بالجامعه

تكلمت بشكل مستفذ جدا

اتهامات عشوائيه صريحه

ربما تكون مبرره

لكنها غير موثقه

صوت عالى

ومزايدات

واخذ مواقف بطوليه على جثث الناس

لمجرد ان يطلب احدهم تاجيل قرار الاحتجاب

فهو خائن وعميل للامن

رغم ان العقل بيقول فعلا

ان الية الاحتجاب هى اخر ماكان يمكن التهديد به

على اساس ان لجنة الحوار تظل حتى النهاية تلوح بالاحتجاب كورقة ضغط

ليس من المنطق ابدا ان نحتجب ثم نذهب لنتحاور

!!!!!!!!!!!!!!!

اى منطق هذا

؟؟؟

اقول ذلك على الرغم من انى اصلا

لا ارى املا ولا نتيجه لهذا ولا ذاك

لا الاحتجاب هيعمل حاجه

ولا الحوار عمل اصلا حاجه

ليس تشاؤما

بل واقعيه مفرطه تفرض نفسها حين نتابع مانشيتات التجربه الماضيه

عندما احتجبت ايضا بعض الصحف

----------------

المرة السابقه احتفظت بعدد روز اليوسف الذى كتب فى صفحته الاولى

عنتر زمانه ووحيد عصرة واوانه

رئيس التحرير عبد الله بن كمال

مصر اليوم .. بدون شتيمه

واليوم نرى نحن ان مصر بدون صحافه أصلا

!!!!!!!

وفى المنتصف يقف الناس محاولين تقليل ضبابية المشهد

كيف لعامة الناس ان يفرقون

بين الكاتب والباشكاتب

بين الصحفى ومخبر وزارة الداخليه فى النقابه؟؟

ومن ذلك الكثير

هل قرأتم خبر وكالة انباء الشرق الاوسط الذى ادعى وجود انشقاق فى الصف الصحفى

حول الاحتجاب

؟؟؟

رغم ان المفروض من كتبه صحفى حضر الاجتماع

لا اعرف هل توزع النقابة الخمور على محررى وكالة انباء الشرق الاوسط؟؟

http://www.almasry-alyoum.com/article.aspx?ArticleID=78281

-------------

بلاش دى

حد قرا مقال رفعت باشا رشاد عضو مجلس النقابه فى المصرى اليوم

قبل الاحتجاب بيوم

خد عندك يا مؤمن .. وبلع بحبتين فياجرا

اسف

خليها حبتين ريفو اضمن

!!!!!!

http://www.almasry-alyoum.com/article.aspx?ArticleID=78514

==========

طيب هل قراتم التصريحات الشيك للراجل الشيك فى النقابه الشيك يحيى قلاش سكرتير عام نقابة الصحفيين

وهو يدافع عن الاحتجاب

اقرا البوقين دول وإدعيلى ..قصدى ادعى عليا وعليه

!!!!!

http://www.almasry-alyoum.com/article.aspx?ArticleID=78507

وبعد ما تقرا لازم اضيف لمعلومات سيادتك

ان قلاش نفسه

هو اللى رفض فتح اى قاعة اجتماعات لرؤساء التحرير

واضطروا يعملو اجتماعهم فى الهول الرئيسى فى الدور الارضى

!!!!!!!!!!!!!!!!!

ونعم التضامن والتأييد

======================

ماعلينا تانى

لسه فى أمل ؟؟

فى نتيجه يعنى ؟؟

الاجابه محرجه جدا

وموجعه جدا جدا

الناس تعرف فعلا اين الحقيقه.. حتى ولو من دون تفاصيل

ومع ذلك .. يحتكرون انتاج الطناش ... محلى الصنع

على طريقةايمانهم بالمبدأ الانهزامى التشاؤمى

الكلاب تنبح والقافله تسير

مع ان الوضع هنا مقلوب بعض الشىء

الا ان المعنى واحد

!!!!!!!!!!

هل تذكرون معى التعليق المختصر بشده .. الموجع ايضا بنفس الشده

لا جديد

!!!!!!!!!!!!!!!!!!!!!!!

هكذا كتبتها المصرى اليوم بعد الانتخابات الحزب وطنيه

لا زلت احتفظ بهذه النسخه

لانى اعتقد انها انسب تعليق على احوالنا اليوم وغدا وكل يوم

بعد الاحتجاب والاحتجاج والكلام الكبير

لا جديد ياساده

المساله اكبر من كده

اخطر من كده

اعقد من كده

اما وعن الحل ؟؟؟

فلا اعرف

لن افتى كباقى المحترفين من المدونين والصحفيين ورواد قهاوى وسط البلد

وما ادراك ما مقاهى وسط البلد

وسط البلد .. ولا وسط كمنجه

إييييييييييييييييييييييه .. دونيااااااااااااااااااااااااااااااا

----------------------

ماعلينا تانى وتالت ورابع

ههههههههه

كتبت هذا البوست فقط

لانقل لكم بعض الصور ومقاطع الفيديو التى سجلتها لنفسى ولاولادى وللتاريخ

لاتذكر وكستنا الكبيرة

قبل ان تقرؤا صحف اليمين واليسار واصحاب الاعراف

شاهدو هذا الفيديو ضرورى

حتى تروا الصورة ثلاثية الابعاد

----------------

اما انا وعن نفسى

فاكتفى بتفاصيل كواليس كرهتنى فى الصحافه والصحفجيه بقدر ما اعشقها

ولتحتفظوا انتم بالمشهد الظاهر على المسرح

بعد البروفات والذى منه

شبعت خلاص ستاير وكواليس .. وممثلين على الجانبين

===========================================

قارن بنفسك بين رؤساء تحرير صحفنا المحترمه .. 1





شاهد وإسمع من نقرأ لهم على الورق؛

حين يتحاورون فيما بينهم .... 2

==============

==============

بكرى يقرأ نص البيان الذى كتبه على ورقة كراسه

والى جواره الاستاذ محمد القدوسى ... بيتصور

ههههههههههه

محمد الشبه رئيس تحرير نهضة مصر

وساهر جاد رئيس تحرير الغد .. سابقا

بكرى والميكرفون .. عشق من نوع خاص

!!!!!!

الجلاد طلع عين اهله علشان يفهم الناس .. ومفيش فايده

حبوا بعض ... تركوا بعض ؛ غنى يافيروز

لا النيل إختار طريقه ولا البحر إختار مكانه

هما إتقابلوا لكن إحنا إفترقنا

!!!!!!!!!!

إضغط هنا لسماع الغنوة دى .. بصوت حبيبة قلبى .. فيروز

فى الصورة دى وردتين شكلهم مبشر قوى

كانوا عايشين يوم 20 مايو2007

وده بقى حالهم النهارده ؛ أو حالهم من بعد 23 يوليو تحديدا

بعد إنقضاء مرحلة السذاجه

نفس النضارة .. لكن مش نفس النظرة للحياه والناس

نفس الوردتين .. لكن مش نفس اللون ولا الروح كمان

الغريب ان الموبايل لما اتغير .. اتغير الكلام اللى فيه كمان

ههههههههههههههههه

مجنون .. صح ؟؟

قديمه

===============

أما اللى فى الجرنال ده فصورة كلام كتبته فى كشكول محاضرات

واحد صاحبى

!!!!!!!

ايوة واحد صاحبى ؛ أرجوك إوعى تفهمنى صح

كنا على شط النيل؛ وبعد الورد والذى منه

حضرنى هذا التشبيه الغريب

فمسكت كشكوله؛او كشكولها!!! وكتبت

بعدها بكام يوم .. خدت الكلام من الكشكول لمكان تانى خالص

!!!!!

زى ما انتم شايفين كده

والنهارده بندم ندم عمرى على هبلى وسذاجتى

لما كنت باكتب من كل قلبى الكلام ده

للاسف

كنت حسن النيه لابعد حد

------------------------------------

فى كشكول محاضرات - صاحبى ده - كتبت

ان النيل بيقابل البحر فى نهاية رحلته

لان ده قدره

على الرغم من ان مية البحر وطبعه غير مية النيل وطبعه

بعدين لما مراية الحب الاعمى انكسرت

افتكرت حاجات كنت درستها زمان

لكن يمكن احساسى الساذج هو اللى صورلى العكس

خيلى ان عكس الحقيقه العلميه هو الصحيح

لان فى حالة البحر والنيل .. طبيعى بيكون فى برزخ مابين الاتنين

نسيت ان الفيزيا بتقول ...النيل ميته مختلفه جذريا عن مية البحر

لذلك ؛ سبحان الله جعل بينهما برزخ

<<مرج البحرين يلتقيان ؛ بينهما برزخ لا يبغيان >>

صدق الله العظيم

فى حد فاصل دايما لا يسمح بالدوبان والاحتواء اللى كنت بادور عليه

الفيزيا بتقول كده

!!!!!!!!!!!!

ومع ذلك

ليس من المنطقى ابدا ان نطبق كل قواعد الفيزيا والكيميا والرياضيات

على طباعنا وتصرفاتنا؛ وخصوصا مشاعرنا

لان دى بالذات .. اخر شىء ممكن نحكمه بقواعد صماء

وان كان لى بعض التحفظ هنا

فهناك قواعد كثيرة نستطيع اسقاطها على تصرفاتنا

لكنه ليس مجالا للحديث عنها

---------------------

البرزخ بيخلى المالح مالح والعذب عذب

سبحان الله ؛ رغم التصاقهما

لكن فى حالة الانسان الطبيعى

واكرر الطبيعى

بينه وبين حبيبه مفيش برزخ

بالعكس

اقواهم حبا وعاطفه هو الاكثر استعدادا للتغيير من اجل الاخر

والا يبقى فين الحب اذا كانوا الاتنين عاملين زى الزيت والميه

منفصلين برضه حتى لو حطيتهم على بعض ؟

لكن حتى دول !! الكيميا بتقول انه فى ظروف تفاعل معينه

بيوصلو للدوبان

ملعون ابو ده حب على دى علاقه اللى بتحكمهم قواعد البرزخ

لو الانسان مش هيتغير علشان حبيبه

ويتنازل كل طرف عن بعض خصائصه علشان يقلل احتمالات حدوث البرزخ

يبقى ايه لزوم العلاقه اصلا؟؟؟

هو ده السؤال اللى .. جاب من الاخر

هو ده السؤال اللى إتاخرت فى الاجابه عليه

لكنى على الاقل .. جاوبت

ومعملتش زى

ماجده الرومى فى غنوة .. احتاج اليك

لما بتقول

احتاج اليك واهرب منك وارحل بعدك عن نفسى

الحب فرار والبعد قرار

وأناااااااااااااااااااااااا

لا املك ان اختار

!!!!!!!!!!!!!!!!!!

سيبت ماجده فى توهانها وضعفها

سيبت ماجده - وقرايب ماجده - واخترت خلاص

يوم 23 يوليو اللى فات ؛ مكانش بس ذكرى ثورة يوليو

كان يوم تاريخى عند ماجده الرومى برضه

قصدى عندى انا يعنى

هههههههههههههه

----------------------------

مش عارف ليه محتفظ بالبوست القصير اللى جاى ده بالذات

وبانقله هنا تانى؟؟

يمكن لانه اول كلمة كتبتها فى مدونتى على موقع مكتوب

فى ايام.. الله لا يعودها تانى؟؟

=====================

جت بظروفها ................... إيهاب توفيق
راحت _ برضه _ بظروفها .....هيثم الغيتاوى
كركركركركركركر
هم يضحك !! وهموووووووووووووووم تبكى

====================

ربما نندم ونحزن- أحيانا - على قرارنا بالبعد عن شخص عزيز

ليس حزنا على الشخص نفسه ؛ خصوصا وإن كان لا يستحق حتى مجرد تذكره

ولكننا نندم ونحزن - غالبا - على سوء إختيار

ووقت ضاع فى تجربه فاشله من الاساس

معادله كانت معطياتها تبشر بنتائج مختلفه تماما

ولكنها كيميا المشاعر ؛ لا تستطيع أن تتوقع نتائجها دائما

لان المعطيات احيانا ما تكون خادعه

تبقى عبيط وأهبل لو توقعت أن تحصل على " إتش تو أوه " من

ناتج تفاعل .. الهيدروجين والكبريت
لكن نقول أيه بقى؛ إذا كانت الغباوة فى دمك

هههههههههههههههه

مش باقولك

هم يضحك وهمووووووووووووووم تموت من الضحك

=======================

لمتابعة التعليقات القديمه على هذه الشخبطه.. فى مدونتى بموقع مكتوب

استخدم الرابط التالى

http://h0103578519.maktoobblog.com/463183/áÇ_Çáäíá_ÅÎÊÇÑ_ØÑíÞå_º_æáÇ_ÇáÈÍÑ_ÅÎÊÇÑ_ãßÇäå_º_åãÇ_ÅÊÞÇÈáæÇ_áßä_ÅÍäÇ_ÅÝÊÑÞäÇ!!
أما لو حد عنده تعليق جديد يكتبه فى الرابط اللى تحت طبعا