مجرد تعليق صغنطوط كتبته
لأرد به على مدونة صديقى شمس الزناتى
--------------------
لست اكثر منى يأسا
فقد احتكرت انتاج مصانعه لعقود قادمه
وقطعا لست اكثر منى تشاؤما
لاننى عقدت مع التشاؤم اتفاق لجوء انسانى
ومع ذلك... تقدر تقولى
رغم تجاربى اللى فشلت..ليه ناوى أحب من جديد؟؟
تقدر تقنعنى .. انا ليه
لسه عندى أمل فى أنى اقابل البنت اللى فى خيالى
وأربط مصيرى بمصير انسانه تستاهل مشاعرى؟
رغم انى قررت قبلها انى اسافر ؛
أو بمعنى أدق ..اطفش من البلد باللى فيها؟؟
تقدر تدور معايا عن تفسير لانى أبدأ من جديد
فى جرنال جديد
فى بلد جديده
بروح جديده
بعد ما كنت قربت خلاص اقتنع
انى بالعب فى المربع الغلط؟؟
!!!!!!!
أنا أقولك يامعلم ...
هى دى حكمة ربنا وسره فينا
هى دى
ان بعد العسر يسرا
هى دى
لا تقنطوا من رحمة الله
هى دى
حتى يغيروا ما بانفسهم
هى دى حكمته فى تتابع فصول السنه
أن نكون على يقين ان الربيع آت لا محاله
وسط معاناتنا من قسوة برد الشتاء
يقين بالله .. وفيه
لا اله الا هو .. المبدىء المعيد
خدت بالك من الإسمين ومغزاهم؟؟
المبدىء ... المعيد
لا اله الا الله
تعالوا نحاول دايما.. نبدأ و نعيد!
-----------------------
عيش دايما بالروح دى !!
كتبتها لأول مره بتاريخ 21 -11 - 2007 وشاءت الاقدار أن اعيد نشرها بتاريخ 11 - 11- 2008 بعد ان مريت بتجارب راحت لحالها ، ومع ذلك وجدتنى اعود لنفس الروح التى كتبت بها هذه الرساله لاول مرة .. فقط لاننى أريد ان أظل هيثم الغيتاوى .. أعيشها ببراءة طفل وحكمة شيخ ، أعيشها بطموح فنان وإصرار محارب.. مجنون صح؟ عارف والله ههههههههههههه
