تحذير من بوليس الآداب !!
هذه التدوينه .. للمهيسين فقط
علشان محدش يعيش علينا دور المؤدب
إحنا ناس بوش واحد لا مؤاخذه
ولا يشرفنا الإنتماء لمجتمع متناقض يفتى فى الشرف وينام يوميا مع الرذيله
أى بنت تجيب قصادها سيرة نانسى وهيفا بخيرهتقولك
يا واطى يا منحرف يا سيكو سيكو
!!
النساوين والحريمات لا مؤاخذه إتعقدوا يا عينى
للدرجة اللى تخليهم ميصدقوش نواياك شبه البريئه
لما تتكلم عن غنوة عجبتك موت لنانسى أوهيفا
الأغنيه مش الكليب ..
لأن الفرق يودى فى داهيه .. أو جايز يودى السرير
----------
علشان كده فى أى قعدة شباب مهيسين
تلاقيهم يناقشوا موضوع مهم جدا .. من وجهة نظر رجاليه يعنى
يقولك إيه بقه ...
أى "حريمايه" تنتقد هيفا ونانسى بشده
مبتكونش نيتها فى نقدهم لانهم بيقدمو قلة ادب فى الكليبات ..لا
الحقيقه العاريه بقه تقولك إيه؟
بالتفسيرات الجانبيه النفساويه ان جاز التعبير
إن الحريمايه اللى يتحرق دمها من سيرة نانسى وهيفا بالذات
توقع إن فيها احتمال من ألف
مثلا
مبتعرفش ترقص .. ولما بتحاول بتبقى زى المعوقين
شعرها عامل زى الخيش وريحته أنيل من الجاز
سنانها أطول منها .. أو بقها مترين
وبالتالى ضحكتها بتبقى منيله بنيله
وسطها ساقط .. وبطنها فيه مشروع كرش صغير
أوحتى المسائل كمان ..
يا إما كبار يتوزنو بالكيلو
يا إما زى العدد فى "اللمون" لا مؤاخذه
يعنى منفسنه على المزز من الآخر
--------------
ماعلينا
بدون معاد .. سمعت فيديو كليب وأنا مغمض عينى طبعا لهيفا وهبى
اغنيه دمها خفيف جدا كتبها امير طعيمه
او بمعنى ادق طبخها أمير ..لأن هى مفيش فيها غير أول إفيه
لحن عبيط وكليب وأهبل .. لكن الفكره ودلع "صوت " هيفا خلاها حاجه تانيه
يخليك تضحك من قلبك
أو جايز حبيت الغنوة لأسباب هتتفسر لوحدها بعدين
جايز !!
غنوة ممكن تغنيها لطفل جميل أو للجو بتاعك حتى
بس يكون فى عند أهله نظر
ولو كان لابس نضاره ومعندوش نظر ولا إحساس ..
يبقى خساره فى أمه دلع هيفا
إديله سعد الصغير .. بحبك يا حمان يا حمان
--------------
عملت للأغنيه مونتاج وخدت أحلى ما فيها
وحملتها لكم هنا على ميديا فاير
لأن كل المنتديات والمواقع مصعبه قوى تحميلها
والنسخه الموجوده منها فيديو على اليوتيوب بس
لكن هنا بقه، شبيك لبيك هيثم ه... عليك
ههههههههههههههه
وكمان عملتلها مونتاج تانى بس عنب عنب ع الآخر
إختصرتها فى 30 ثانيه علشان أعملها نغمة لموبايلى
عقبال ما نخصص النغمه لرقم بقه
هههههههههههههههه
قولوا آمين
النغمة هنا.. يا عسووووووله
بهديها لمازن إبن أختى
وبقوله لو هيفا راحت فى ستين داهيه .. تتعوض يا معلم
خالك هيجوزك ست ستها ..
بس لما يلاقى هو عروسه لنفسه الأول
ههههههههههههههههه
-----------------
مازن إبن أختى فى الصورة اللى تحت دى
فى مدخل المتحف الحربى بالقلعه
إيه رأيكم .. بالذمه مش عريس مز جدا
لا وكمان إيه .. عامل فى الصورة دى إعلان للفياجرا
ههههههههههههههههه
يعنى هيجطعها جطيع يا أبو خالوا
!!!
وكفايه لنتمسك أداب
وكفايه لنتمسك أداب
12 تعليقات البشر:
السلام عليكم
انا مياده ثروت
فاكرنى
دى بنتك ولا ابنك عسوله اوى
طيب اكيد مش فاكرنى افكرك بيا اناكنت كتبتلك تعليق على مداونتك فى مكتوب وانا عمله مداونه اسمها الحياه ها افتكرت
ياااااااااااااااه
اهلا يا مياده
انتى لسه عايشه
فاكرك طبعا من ايام مدونتى اللى كانت على موقع مكتوب
انما وقعتى ازاى على مدونتى اللى على بلوجر؟
اهلا بيك عموما
بالنسبه للعريس اللى فى الصورة ده مازن ابن اختى
لا هو ابنى ولا بنتى للاسف
لانى مش لاقى ام لولادى عاشان اجيبهم اصلا
ههههههههههههههههههههه
يلا سلام
عايزين نسمع اخبارك
السلام عليكم انا مياده
اناكنت كتبتلك تعليق فى المداونه القديمه بس انت مش شوفته
كنت كاتبه فيه انى دخلت كلية تجاره والنتيجه بانت وجبت جيد والحمد لله على كل شىء
وبااااااااى
الف مبروك يا عم
واضح انك لغيتى مدونتك لانك مش بتكتبى التعليق من على نفس ايميل المدونه!
عموما تابعينا هنا او على الفيس بوك
ولا ملكيش فيه ده كمان
نلتقى بعد الفاصل
انا مش هعلق على نانسى او هيفا اصل شكلى فى الاخر هطلع منفسنة بس منفسنه نص نص اصلى بحب نانسى جدا اما هيفا لاء وابقى قولها تعيش سنها عيب عليها يعنى
الا قولى بقى مش حرام عليك اللى انت عامله فى مازن ده فى الصورة اللى فى مدخل المتحف الحربى اهو الجدع يا ولداه اخد عين ونزل يرجع منك فى البحر
بصى يا ست القطه
اهلا بيك اولا
ثانيا
الفت نظرك الى انى اصلا بتنرفز اصلا من هيفا موت وبحتقر حركاتها وايحاءاتها
حقيقى والله عن صدق
لكن انا اتكلمت بس عن غنوة معينه بتضحكنى وتفكرنى بكلام وناس معينه لما بسمعها
اما بخصوص النفسنه بقه
فده حقيقى فعلا
مفيش بنت عندها الجرأه تقول ايه ديفوهاتها وحتى لو اتقالت لها بتكابر
والنوع ده بقى بيموت من سيرة هيفا واخواتها
مع ان اى راجل مستوعب ان عمره ما هيتجوز لا هيفا ولا ناسنى لان فى الطبيعى مفيش كده
او بمعنى ادق الكمال لله وحده
بس هو مبيحبش واحده تبقى يعنى كده وكده
وتعيش عليه الوهم
ومتخيله نفسها موزة ولا حاجه
مااااااااااااااااا علينا
وكما قالت احدى المدونات المهيسات
رب قطه خير من الف اسد
ههههههههههههههههههههه
فرصة سعيده
نسيت اقولك صحيح
مازن جبار جبار يعنى
لو عندك له عروسه نحجزهاله لانه لسه فى اولى حضانه
هههههههههههه
وبعدين مفيش علاقه بين الصورتين على فكرة
ايه علاقة ان الواد يبقى جبار وبين انه يرجع فى النيل ؟
ده بالعكس بقه
هههههههههههههه
ميصحش افسر اكتر من كده لاتمسك اداب
فرصة سعيده تانى
سلام كبير اوى لكل الجوزائيين الغلابة اللى بتحكمهم شيزوفرينيا الجنون
و الله انا مش عارفة هل احنا مجانين و لا دى لعنة الباحثين الفلكيين ....
أم هند ، انا دورت لحد لما لقيت الرد بتاعى عندك فى المدونة
و خمنت سبب ضحكتك المرة
اتمنى يكون تخمينى مش فى محله
بس اللى فهمته من كلامك هنا انه فى محله للأسف
و على فكرة انا كمان قريت ردى عندك
و بردو انا قريته دلوقتى فى وقت غريب جدا جدا
بس للأسف مقدرتش أضحك حتى الضحكة المرة
******
نرج بقى للست نانسى عجرم و مدام هيفاء
بصراحة انا بحب نانسى اوى لانها عسولة و دمها خفيف
كتكوتة من الاخر و حركاتها كلها براءة
هيفاء بقى مزوداها شوية فى الدلع و هو ده اللى ساعات بيفقعلى مرارتى ...
بس بصراحة بصراحة
انا عن نفسى لما بشوفها مش بقدر اغير المحطة ولا بقدر اغمض عنيا ...
و بستحمل دلعها و بصدر رحب كمان :-)
و بالنسبه للمرارة فهى كل يوم مفقوعة مفقوعة
فمفيهاش حاجة لما تتفقع على ايد طنط هيفا
اهى على الاقل حتفقعها بحنية ...
حلو التوبيك و اسلوبك جميل و ممتع ... بس جرىء حبتين ...
لا تلاته .... هههههه
:-)
بقولك بقولك بقولك
بالنسبة لأستاذ مازن ....
هو مرتبط ولا فاضى دلوقتى ؟
لو فاضى ياريت تحجزهولى ...
بس سؤال ... هو تقفيل مصر و لا تقفيل الخارج ؟
اصل هو اكيد اكيد مستورد يعنى ...
ماشاء الله بجد زى القمر ربنا يحميهولكوا و يكبر كدة و يعلق بنات الجامعة كلهم :-)
الجراءة جت من التهييس يا باشا
اسف لطولة لسانى
بس انا بحب اكون كده
حقيقى حتى فى قلة ادبى
هههههههههههههههه
مليش فى التمثيل والادعاءات
-------------
احجزلك مازن بشرط
تدوريلى على عروسه انا كمان
علشان يبقى الواد وخاله فى ليله واحده
ههههههههههههه
---------------
بخصوص التعليق الاولانى بتاع زمان
عندى كلام كتييييييييييييير يتقال
لان انا انسان قدرى حبتين
وجايز تفهمينى لان عندك نفس الارضيه تقريبا
لو حسيتى انك محتاجه تسمعى وتنكدى على نفسك
ضيفينى مؤقتا
h0103578519@yahoo.com
h0103578519@hotmail.com
انا بحب هيفاا ونانسى واليسا كمان..
وعامله كل سيديهاتهم معايا فى العربيه..
وبرضه باحب وائل كفورى وفضل شاكر ووائل جسار جدا جدا ..
مش معنى كده انى اقارن بينهم وبين جوزى ...انت لما بتحب انسان مابتشوفش حد غيره حتى لو كان فيه كل العبر...حتى لو كان اوحش واحد فى الدنيا ...بس بتحبه وبيحبك ..وده كفايه لان ده اللى بيدوووم....مش الشكل والمظهر ابدا لان اى حد معاه فلوووس ممكن يعمل كل اللى هو عايزة ...بقت سهله قوى اليومين دول...تخيل نفسك بتحب واحده زى القمر واحلى من كل اللى شفتهم وهى كمان بتحبك ..واتجوزتوا...وحصلتلك (بعد الشر)حادثة خلت وشك مشوه ..تفتكر هى هتعمل ايه ....؟؟؟
هتسيبك علشان منظرك يخض ولا هتعيش معاك علشان بتحبك ..؟؟؟
انا عاذراك لان شكلك كده ماحبيتش قبل كده ...واللى ماجربش ...مايعرفش..
المهم ابن اختك زى القمر ..ربنا يخليهولك..ويخليه لمامته..
تحياتى
عزيزتى المخنوقه من جوزها -- او بنت الغربه
ارجو تكونى قريتى تعليقى على منة الله فوق تعليقك
وهكرر تانى
يا جماعه ياريت متاخدوش الكلام من الزاوية دى
لاحظو إنى كاتب تنويه فوق التدوينة دى بالذات انها للمهيسين فقط
يعنى اللى اوله شرط اخره نور
للتهييس يعنى للضحك والهزار لا اكثر
ده مجرد اقتباس من قعدتنا كشباب ساعة هزار والافيه لما بتحكم بس
مش معنى كده اننا شوية صيع مثلا - ياريت بصراحه ههههههههههه-- لكن كلنا اعتقد محترمين جدا ومحدش فينا عمره ما جرح مشاعر اى بنت بمعاكسه سافله فى الشارع
كل ما فى الامر هى قعدة دردشة وهزار بين ولاد وبعضهم زى اللى بتحصل فى كواليس البنات لما يقطعو فى فروتنا
ثانيا وده مهم جدا .ز انا مقولتش ان انا عم الامور مثلا او انى رشدى اباظه
انا كمان مش كامل اكيد وفيا ديفوهات لكن انا بعترف بيها وبتقبلها جدا
اللوم هنا عن طريقة تعامل البنت مع الشخص اللى يلمح لها بديفوهاتها رغبة فى انه يشوفها اجمل الناس بقدر امكانها ودى خلقة ربنا فى الاخر
اللى بيغيظ بس طريقة التعامل ورد الفعل بان البنت دايما ضد ده ومتخيله انها ملكة جمال وتفضل تبرر وتبرر ثم تبرر ههههههههههه
مع ان ده عادى جدا يعنى
اقولك مثلا اول بنت حبيتها فى حياتى كانت سمرا جدا عنى كنت بحبها موت لروحها الضحوكه المبهجه وحنيتها كمان
انا حبيت جدا للاسف بعكس افتراضك
وجربت فعلا انى اتغاضى عن ديفوهات حد حبيته قبل كده مش تكرم منى ومن اهلى مثلا لا -- ولكن لانى مدرك جدا ان مفيش حد كامل وانى بكامل ارادتى قررت اتنازل عن كذا فى سبيل كذا
عادى يعنى
شكرا على نصيحتك عموما
ومش شكرا على فهك الخطأ لكلامى عن موزز هيفا البلاستيك
ههههههههههههههه
فرصه سعيدة واهلا بيك دايما
وارحمى جوزك من الفضايح دى انا لو مكانه اقتلك
هههههههههههههههههههههه
إرسال تعليق