أن تكون طفلا فى السادسة والعشرين 2009 كل سنة وأنا أطيب .

كل سنة وأنا أغلب من الغلب
كل سنة وأنا أطيب خلق الله .. وربى أعلم من كل الناس
كل سنة وأنا أحلامى أبسط مما يتخيل أى حد

دقيقتين فيديو ..

كل 12 يونيو وأنا راضى ومسلم لأمر الله
كل 12 يونيو أغرب وأعجب من اللى قبله
لكن .. وآه من كل لكن !!
فرق رهيب جدا بين اليوم ده السنه دى والسنه اللى فاتت
اللى فاتت بالذات
أن يتم إبتزازك ومساومتك ولوى دراعك فى ذكرى يوم ميلادك
يبقى ده أول مسمار فى نعش العلاقة
حتى لو مخدتش بالك منه غير بعد فوات الأوان
لما الإحتفال بعيد ميلادك يكون لغرض معين
وتكتشف بعد يوم جميل وطويل من الغزل والدلع والهزار والفسح والهدايا
إن كل ده كان للتمهيد لصدمة حقيره الغرض منها إبتزازك بشكل مادى بحت
يبقى ملعون أبو ده يوم على دى ناس تجار
لكن للأسف وكالعادة .. كنتى فين يا لأ لما قولت أنا آه
هههههههههههه
وتمر الأيام وييجى نفس اليوم مع حد تانى خالص
مع ناس تانيه خالص لا ع البال ولا ع الخاطر
ويكون رد الفعل مقلوب 180 درجة
يبقى .. لازم تقول الحمد لله من كل قلبك
وكأن ربنا بيدوقنا الملح علشان نميز طعم الحلاوة
سبحان الله
!!
أحلى وأصدق - وأكرر - أصدق عيد ميلاد إتعمل فى حياتى
كل سنة وأنا قادر أحب بقلب جديد بروح جديدة بحلم جديد
كل سنة وأنا قادر اكون ضد كل سلبيات الظروف
طالما معايا حد حقيقى قوى كده
-----------
قطر عمرى وصل المحطة 26
وإختصارا لدوشة الشمع اللى هيغطى التورته من كتره
طلبت منها بشكل عفوى تكتفى ب 6
لكن لما قعدت لوحدى أتفرج على الفيديو
خدت بالى من رقم 6 بمعنى تانى غير العدد المجرد
أن تكون طفلا .. فى السادسة والعشرين
إبدأ تانى .. إحلم تانى .. حب تانى .. حاول تانى
أن تكون طفلا فى السادسة والعشرين
!!
ملحوظة مضحكة وذات مغزى فى نفس الوقت
ال 6 شمعات حاولت أطفيهم كتير
وكانوا بيرجعوا ينوروا تانى لوحدهم

هههههههههههههههه
!!
يارب دايما ..
لا عاش ولا كان اللى يطفى حلمى وأملى وحياتى ليا
.........
ولسه يا ما .. ياما ياما ياما
فى عمرناااااااااااااا
ولو فى يوم راح تنكسر
لازم تقوم
كالنخل باصص للسما .. للسما
محمد منير