هيعمل إيه العاشق الغلبان ؟

يا ما حسبناها ورتبنالها وخططنالها ودرسناها وحللناها وفلسفناها

وجرى إيه يا معلم ؟! نصيب

إذن هى مش قصة حسابات وتوقيتات وتحليلات فارغه

يبقى ليه منجربش ناخد بالإسباب

وبعدها نسيب مشاعرنا وفطرتنا تحركنا

ودتنا فين الحكمه والعقل يا عم الخبره ؟

ليه منجربش جنانها وتهورها .. ونعيش مره بنص عقل؟

فى أغنية لمحمود العسيلى من ألبومه الجديد إسمها

كان فى زمان ولد رسام

إسمعوها من اللينك ده

سمعتها مليون مره

لكن الليلادى سمعتها بطعم تانى خالص

العسيلى بيقول فى نص الاغنيه سؤال

.....

هيعمل إيه العاشق الغلبان؟

هيقولها ولا هيطلع جبان؟

.....

كل مرة لما كنت بسمعها

كنت أسال نفس سؤال محمود العسيلى فى أغنيته

لكن الليلادى بطلت أسأل زيه

الليلادى عرفت أرد عليه !

الغريب أنى جاوبت بدون ترتيب ولا تخطيط ولا أى حسابات

وكان الطعم فوق الخيال

دهشه !!

الحياه بنصف عقل .. ربما تكون خطر فى عواقبها

لكن يكفيها على اى حال انها تضمن لنا

الإندهاش عند كل مشهد غير متوقع

وغير مرتب أو مخطط له
إدينى (قلب) وإرمينى البحر

جايز أقدر أداوى جروحى بإيدى

أو بإيد غيرى ..

ها ؟

هتقدر ؟